Frå Florø til eit liv med læring, skriving og vegleiing

Eg er fødd og oppvaksen i Florø, ein vakker, liten by ved havet i Vestland fylke. Eg studerte fransk og tysk ved Universitetet i Oslo og arbeidde som lærar i vidaregåande skule til eg gjekk av som AFP-pensjonist då eg var 62. Då fekk skrivegleda verkeleg blomstre, og har til no resultert i fleire bøker. No skriv eg på ei bok om 12 innvandrarmenn frå kvart sitt land, 10 i Florø, ein i Bergen og ein i Arendal. Etter denne blir det fleire bøker, m.a. sjølvbiografien min og ei bok om ein hund vi hadde - og ei diktbok.

Ei sterk livskrise med angst og depresjon midt i livet førte meg til dyktige terapeutar, kurs og utdanningar, særleg ved Mandala senter for livskunst hos Harald og Benedicte Thiis. Livet vart meir spennande, og nysgjerrigheita mi på det åndelege gjorde at eg i dag er bahá’í (sjå www.bahai.no).

I dag held eg foredrag på skular og andre arenaer om denne «trua som byggjer brua» mellom religionar og livssyn. Eg tilbyr òg hjelp til menneske med personlege utfordringar, og held ulike foredrag og kurs – mellom anna utdanning for dei som vil bli instruktørar i latteryoga.